Autoritetet turke kanë identifikuar dy nga tre personat që dyshohet se qëndrojnë pas tragjedisë që ndodhi pak ditë më parë në Stamboll.
Emrat që janë bërë publikë janë Rakim Bulgarov dhe Vadim Osmanov, ndonëse ende nuk dihen shumë detaje për ta. Lajmi është komunikuar nga mediat vendase, të cilat citojnë burime konfidenciale pranë autoriteteve turke.
Të paktën kështu kanë komunikuar mediat vendase, të cilat duke cituar burime konfidenciale, raportojnë se emrat e tyre janë Rakim Bulgarov dhe Vadim Osmanov.
Sipas këtyre informacioneve, idenfikimi i Vadim Osmanov është bërë përmes një fotokopje pasaporte që ky i fundit kishte dorëzuar në distriktin Fatih të Stambollit. Zyrtari turk që është prononcuar duke ruajtur anonimatin nuk ka preferuar që të japë detaje të tjera për të respektuar hetimet që vijojnë, ndërkohë që lajmi ende nuk është konfirmuar nga autoritetet.
Më herët, u raportua se tre personat që sulmuan aeroportin ishin shtetas të huaj që vinin nga Uzbekistani, Kirgistani si dhe rajoni verior i Dagestanit në Rusi. Ngjarja vijon të mbetet e paqartë pasi nuk është zbuluar se kush qëndron pas shpërthimeve. Megjithatë, në bazë të komunikatave zyrtare, raportohet se pista më e mundshme është ajo e Shtetit Islamik.
Ministri i Brendshëm i Turqisë, Efkan Ala, u shpreh një ditë më parë se ekspertët janë duke ekzaminiuar cdo provë dhe se do të dalin shumë shpejt në një përfundim. Sulmi mbi aeroportin Ataturk të Stambollit u mori jetën 43 personave dhe mbetën të plagosur rrethë se 240 të tjerë.
