Britanikët, nëpërmjet votës së tyre kanë vendosur të dalin nga Bashkimi Europian. Ky vendim ka tërhequr vëmendjen e të gjithë shteteve të tjera të BE-së, por edhe më gjerë, pasi ajo që diskutohet pas referendumit është se si do të ndikojë dalja e Britanisë së Madhe nga BE- ja.
Së pari pritet të ketë një zhvlerësim të fortë të paundit britanik dhe si rrjedhojë një paqëndrueshmëri në tregjet kapitale. Britanikët humbin lirinë e lëvizjes për punë dhe për shërbime publike në vendet e BE- së.
Më 28 qershor pritet të mblidhet Këshilli i Europës ku Britania e Madhe do të formalizojë kërkesën për tërheqje. Proçedurat mund të zgjasin deri në 2 vjet.
