Ndeshja do të zhvillohet në stadiumin “Stade Pierre-Mauroy” në Lille. Arbitri i ndeshjes do të jetë Rumuni Ovidiu Hategan. Italia në këtë sfidë vjen pas fitores 1-0 kundër Suedisë me golin e Eder në minutat e fundit të sfidës, kurse Irlanda vjen në këtë sfidë pas humbjes poshtëruese 3-0 ndaj Belgjikës.
Statistikat: Sonte do të jetë sfida e 14 midis këtyre dy kombëtareve, të “kaltërit” kanë triumfuar 8 herë, Irlanda ka fituar vetëm 2 ndeshje kurse 3 prej tyre kanë përfunduar barazim. Italia e ka mundur Irlandën edhe në Euro 2012 (2-0 me gola të Antonio Cassano dhe Mario Balotelli). Hera e fundit ku Italia në dy ndeshjet e para ka triumfuar në Europian rezulton në Euro 2000, ku më pas arriti deri në finale. Në ndeshjen e sotme Gianluigi Buffon do të arrijë kuotën e 30-të prezencave me Kombëtaren Italiane në Kampionatin Europian dhe Botëror, vetëm Paolo Maldini ka bërë më mirët ku në kompeticionet ndërkombëtare ka arritur kuotën e 36 prezencave me fanelën e kaltër.
Ndërkohë ju njohim me formacionet zyrtare:
Italia: (3-5-2): Sirigu; Bonucci, Barzagli, Ogbonna; Motta, Sturaro, Florenzi, Bernardeschi, De Sciglio; Immobile, Zaza. Trajner: Conte
