Nëse keni probleme me poret në lëkurën e fytyrës tuaj,ne kemi gjetur një zgjidhje që mund ta provojë kushdo në kushte shtëpie.
Më poshtë po ju rendisim përbërësit e një maske shumë të mirë për mbylljen e poreve të mëdha:
1 e bardhë veze
1/2 (gjysmë) luge lëng limoni
1/4 domate (në madhësi të vogël)
Përgatitja
Pasi të keni pastruar të gjitha farëzat e domates grijeni hollë fare në rende. Në një tas rrihni të bardhën e vezës, derisa të formohet një shkumë e trashë, në vazhdim, shtoni lëngun e limonit (rriheni dhe pak akoma), dhe në fund shtoni domaten e grirë dhe trazojini mirë.
Përdorimi
Ngaqë maska është e lagësht, aplikojeni me furçë, në 2-3 shtresa në të gjithë sipërfaqen e fytyrës ose vetëm në ato pjesë ku poret janë më të mëdha. Lereni maskën të veprojë për rreth 20 minuta dhe pastaj shplahuni me ujë të vakët.
Limoni dhe domatja janë të pasura me acide, ato mund të largojnë qelizat e vdekura nga lëkura, papastërtitë e mbledhura në pore, yndyrnën e tepërt etj. Ndërsa e bardha e vezës forcon poret e lëkurës.
Maska sygjerohet të përdoret dy herë në javë.
