Dëmtimi i prodhimeve bujqësore si pasojë e fatkeqësive natyrore ka ndërgjegjësuar fermerët që të sigurojnë prodhimet në sera.Në Krutje të Lushnjes ministri i Bujqësisë shpërndau kontratat për 757 fermerë.Kreu i bujqesisë u shpreh se sigurimi i prodhimeve bujqësore është e vetmja zgjidhje për të përballuar fatkeqësitë natyrore.
757 fermerë nga Krutja e Lushnjes kanë firmosur kontrata e siguracioneve për të mbrojtur prodhimet e serave në rast të fatkeqësive natyrore.
Ministri i Bujqësisë Edmond Panariti u shpreh se kjo do te jete zgjidhja më e qëndrueshme e gjithpërfshirese për bujqësinë shqiptare.
Ministria ka përgatitur një ligj ku parashikohet që gjithë ata që do të investojnë në bujqësi një shumë të konsiderueshme do të jenë të detyruar të sigurojnë aktivitetin e tyre. Shqipëria ka marrë mbështetje për sigurimin e bujqësisë nga Berzh e cila ofron 60 milion euro për kreditimin ndërsa 15 milion janë vënë në dispozicion nga qeveria shqiptare.
