Opozita mungon në diskutimin e çështjeve thelbësore të paketës së ndryshimeve kushtetuese
Byroja Kombëtare e Hetimit si dhe Strukturës së Posaçme Antikorrupsion dhe Kundër Krimit të Organizuar, SPAKU, ishin sot pjesë e diskutimit të komisionit të posaçëm të reformës në drejtësi.
Mbledhja e sotme e komisionit është zhvilluar pa praninë e opozitës. Përfaqësuesit e opozitës në këtë komision duket se do të vazhdojnë të mungojnë për sa kohë nuk ka ende një marrëveshje mes mazhorancës dhe opozitës për reformën në drejtësi. Ndërkohë, Byroja Kombëtare e Hetimit dhe SPASK, janë dy nene të draftit të reformës të cilat konsiderohen si një ndër çështjet thelbësore të reformës në drejtësi.
Byroja e Hetimi si dhe SPAK, do të jenë dy institucionet të cilat do të mund të hetojnë për korrupsion zyrytarët më të lartë të shtetit. Ndërkohë që pritet të rikthehen negociatat për konsensus mes palëve, komisioni i posaçëm i reformës në drejtësi miratoi me votat e mazhorancës draftin final të paketës së ndryshimeve kushtetuese për reformën në drejtësi.
