Anëtarësimi i Shqipërisë në NATO, ishte një nga pikat që diskutoi ish- kryeministri Sali Berisha gjatë një takimi me drejtues lokalë, simpatizantë dhe banorë të Velipojës.
Sipas Berishës, anëtarësimi i Shqipërisë në NATO është një arritje historike, ndërsa ka kujtuar se ditën që po kthehej nga Bukureshti si vend i anëtarësuar, Rama në Tiranë bënte protesta kundër.
“Anëtarësimi në NATO është një arritje historike në fushën e sigurisë. Këto ditë që një diktator gjakatar, ndezi flakët e luftës në qendër të Evropës, bëhet më evidente. Ju kujtohet ju, që ditën që po ktheheshim nga Bukureshti si anëtar i NATO-s, ai organizonte protesta me fytyrën e Enver Hoxhës. Ajo që sot është ministre e Jashtme, thoshte se ‘NATO është si nata’. Ju keni qenë përherë mbështetje për projektet e Partisë Demokratike. Edhe mbështetja juaj për Bardh Spahinë do të thotë që ai ju ka ju të parët”, u shpreh Berisha.
