Policia e Fierit ka vënë në pranga 4 perosna ditën e sotme, nga finalzimi i operacionit “Dërmënasi”. Sipas të dhënanve, Bledar Duraj 34 vjeç, Rozvelt Kumaraku 38 vjeç, Izmir Genica 30 vjeç dhe Kismet Genica 24 vjeç merreshin me shitje të lëndëve narkotike dhe janë pjesë e një grupi kriminal. Ata u kapën në flagrancë në fshatin Fermë Çlirim, në momentin e shkëmbimit të lëndës narkotike.
Sakaq, bëhet me dije se në përfundim të operacionit janë sekuestruar 1 armë gjahu, municion luftarak, 1.3 kg lëndë e dyshuar narkotike cannabis sativa, 1 peshore elektronike për peshimin e lëndës narkotike, shuma 100.000 lekë të rinj me të cilën do blihej lënda narkotike, 3 automjete, 7 aparate celulare dhe 2300 euro që u gjetën gjatë kontrollit në banesat e shtetasve të arrestuar.
Gjithashtu, gjatë operacionit, Policia bllokoi dhe dy armë zjarri pistoleta, të cilat do të dërgohen në Institutin e Policisë Shkencore në Tiranë, për ekzaminime të mëtejshme, për të parë nëse janë përdorur në ndonjë ngjarje kriminale. Sakaq, policia vijon puna për identifikimin dhe kapjen e personave të tjerë të përfshirë në këtë veprimtari kriminale.
