Dy të rinj janë arrestuar ditën e sotme në Kavajë për trafik droge. Sipas burimeve në pranga ka rënë pronari i një lokali Gledian Caushi 30-vjeç dhe kamerieri i tij. Policia bën me dije se i riu 17-vjeçar Ani Shahollari i cili punonte si kamerier i ka shitur një klienti një sasi lënde narkotike në ambientet e lokalit. Materialet procedurale i kaluan Prokurorisë pranë Gjykatës së Shkallës së Parë Kavajë, për veprime të mëtejshme.
Sipas të dhënave subjekti në fjalë kishte kohë që mbikëqyrje nga policia për shkak të disa denoncimeve dhe pas materialeve të grumbulluara, policia ka kapur në flagrancë dy të arrestuar. Ndërkaq, ata po merren në pyetje për të zbuluar rrjetin në të cilin bënin pjesë dhe burimin nga merrej droga.
