Dhoma e Avokatisë në Durrës e ka kundwrshtuar prezantimin i hartës së re gjyqësore të propozuar nga KLGJ e cila largon qytetarin nga aksesi në drejtësi dhe sjell kosto të larta për të gjitha palët e përfshira në proceset gjyqësore. Kryetar i Dhomës së Avokatisë në Durrës, Lorval Petani, është shprehur se ka fluks gjykimesh dhe vonesa që vijnë si pasojë të gjyqtarëve.
“Faktet reale me ato që ju diskutoni janë të kundërta… Ka fluks gjykimesh, po vonesa që vijnë si pasojë e mungesës së gjyqtarëve. Qytetarëve i largohet shumë përfaqësimi në gjykata” – tha Petani.
Lidhur me debatin mbi aksesin e qytetarit në gjykata, larg vendbanimit, në emër të KLGJ-së, zëvendëskryetari i saj Maksim Qoku argumentoi:
Maksim Qoku, zëvendëskryetari i KLGJ, u shpreh se një qytetari nuk i duhet një gjykatë afër, nëse nuk ofron një gjykim cilësor.
”Duke u bashkuar gjykata që janë afër njëri tjetrin e nuk e cenojnë aksesin që kundërshtohet fort, po një qytetari nuk i duhet një gjykatë që e ka afër, po nuk ofron gjykim cilësore” – tha Qoku.
Dhoma e Avokatisë Durrës kërkoi që të rishikohet harta dhe të mos shkrihet gjykata administrative dhe ajo e apelit në Durrës, për shkak të fuqisë ekonomiko-sociale dhe problematikave që ka ky rajon, ndërkohë që ngarkesa e lartë dhe vonesat në gjykim krijohen nga mungesa e gjyqtarëve.
Në takim u deklarua se sistemi gjyqësor është në gjendje mjaft të rënduar, me problematika të shumta dhe se harta e re gjyqësore nuk i zgjidh këto problematika dhe ato të krijuara nga vetingu. Harta e re gjyqësore parashikon 12 gjykata të shkallës së parë, 2 gjykata administrative në Tiranë dhe Fier, si dhe 1 gjykatë apeli në Tiranë.
