I riu Amaros Deda rreth 30- vjeç i cili ndërroi jetë ditën e sotme në spitalin e Lezhës pas një plagosje me armë zjarri, ka pasur precedentë të mëparshëm penalë.
Nga hetimet paraprake rezulton se Deda ka qenë i dënuar më parë për veprën penale të grabitjes me dhunë ndaj një të moshuare në Shënkoll. Ngjarja ka ndodhur në mars të vitit 2011, ku Deda së bashku me një person tjetër, të dy të maskuar kanë dalë përpara 70 vjeçares në Shënkoll për ta grabitur.
Ngjarja është raportuar rreth orës 15:15 në zonën e Shënkollit, në rrethana që nuk dihen ende. Policia njofton se dyshohet Amaros Deda të jetë vetëvrarë.
Shërbimet e Policisë dhe grupi hetimor menjëherë kanë shkuar në vendngjarje dhe po punojnë për sqarimin e plotë të shkakut dhe rrethanave të ngjarjes.
Gjithashtu është sekuestruar në cilësinë e provës materiale arma e zjarrit me të cilën dyshohet të jetë kryer vetëvrasja.
