Banorët e “5 Majit” dhe ata të Paskuqanit vazhdojnë protestën e tyre, për të gjetur të drejtën për banesat. Gjatë prononcimit për mediat, një protestuese përpara bashkisë së Tiranës është shprehur se fjala e lirë nuk mund të mbyllet me zinxhir siç ndodh me dyert. Ajo shtoi se do të protestojë për banesën e saj derisa të merret seriozisht nga zyrtarët.
“I themi parlamentarëve tanë se mund t’i mbyllni të gjitha dyert me zinxhirë, por fjalën e lirë nuk e mbyllin dot me zinxhir. Ne po protestojmë prej 5 muajsh për pasurie tonë që e kemi të shenjtë. Nuk kemi dal të protestojmë kundër pushtetarëve, Kërkesa: Le të ndërtohet projekti, por përpara se ta bëni çdo veprim duhet të mbroni qytetarët. Nuk jemi përfitues, po kërkojmë vetëm një të drejtë imediate, protestat do të vijojnë deri në momentin që do të marrin një përgjigje serioze nga një shtet aspak serioz”. Kujtojmë se pak orë më parë 3 nga banorët janë ftuar nga Rama për një diskutim, por në fund dolën të zhgënjyer dhe thanë se qeveria nuk iu jep asnjë garanci se do të marrin hyrje në ndërtesat e reja.
