Kryeministri Edi Rama ka reaguar në rrjetet sociale në lidhje me shembjen që po u bëhet banesave te zona e 5 majit dhe dhunën fizike e psikologjike të ushtruar kundrejt banorëve. Ndonëse pamjet tregojnë qartë që forcat policore janë përplasur fizikisht në disa raste me banorët madje disa prej tyre duke i tërhequr zvarrë, për Ramën këto sjelle janë mjaft normale.
Kreu i qeverisë ka replikuar me komentuesit në Facebook, të cilët e bëjnë përgjegjës për dhunën e ushtruar mbi banorët, por ky i fundit është shprehur se bashkia po sillet shumë njerzillëk dhe solidaritet, ndonëse pamjet tregojnë të kundërtën.
Eraldo Palluci: Ju përgëzoj për punën e pa lodhur që bëni tek 5 maji duke tërhequr zvarrë e torturuar nënat baballarët tanë. Vazhdoni kështu përsa kohë rinia shqiptare edhe e përbërë në njerëz që kujdesen për leshin e për b*thën. Urime
Rama: Asnjë torturë, përkundrazi, asnjë njeri që shoqërohet forcërisht për të mos e penguar forcërisht zhvillimin, nuk hidhet në rrugë po edhe kur banesa është pa leje fare, merr bonusin e qerasë deri në ndërtimin e një shtëpie, njësoj siç bëmë me të prekurit nga tërmeti, pra më shumë njerzillëk dhe solidaritet! Po natyrisht që askush nuk mund të marrë peng punën, sepse kështu pastaj i bie që shumë nëna e baballarë që presin të hyjnë në shtëpi pas tërmetit, të mbahen peng nga pak të tjerë.
Kujtojmë, se mëngjesin e sotme fadromat e IKMT shembën disa banesa të tjera në njësinë 4, ndërsa nuk munguan as përplasjet me banorët të cilët pavarësisht se u përpoqën të bënin rezistencë, nuk arritën t’i ndalonin.
