Përfaqësuesi i Kuvendit në Gjykatën Kushtetuese, Taulant Balla ka reaguar pas përfundimit të procesit së shqyrtimit të kërkesës për shkarkimin e metës ose jo, duke iu bërë thirrje të gjitha palëve që të heshtin.
Përmes një deklarate për mediat, Balla u shpreh se tashmë si Meta, si partitë politike duhet të presin në heshtje vendimin e Gjykatës Kushtetuese, e cila do të shprehet me të gjitha arsyetimet brenda afatit 30-ditor.
“Vendimet për rrëzime apo pranime i merr vetëm Gjykata Kushtetuese. Ne kemi detyrimin që nga ky monument, që është mbyllur procesi, të respektojmë pavarësinë e vendimmarrjes së Gjykatës Kushtetuese. Mendoj se nga momenti i përfundimit të procesit, të gjithë ne kemi detyrimin, përfshirë Presidentin, partitë e kushdo tjetër, të ruajmë heshtjen institucionale, derisa Gjykata Kushtetuese, brenda afatit 30-ditor, të shprehet, me gjithë arsyetimin. Procesi ka qenë për t’u përshëndetur. Mendoj se çdo deklaratë e imja apo e palëve të tjera të përfshira në proces nuk do i bënte mirë procesit”, tha Balla.
Kujtojmë se sot ishte seanca e tretë për shqyrtimin e fakteve të paraqitura nga të dyja pakët, ndërsa Gjykata do të vendosi brenda 30-ditëve për shkarkimin ose jo të Metës
