Në kuadër të ruajtjes së sigurisë dhe të rregullit në rrugë, Policia Rrugore gjatë fundjavës ka ndëshkuar drejtuesit e papërgjegjshëm të automjeteve.
Policia bën me dije se shumë shoferë janë ndëshkuar pasi parkonin në vendin e taksive ose të transportit publik dhe në rrugë duke zënë hapësirën e lëvizjes.
Në kuadër të këtyre kontrolleve janë hequr 172 patenta dhe janë ndëshkuar me masë administrative mbi 5 mijë shoferë.
Gjithashtu policia ka sekuestruar edhe 31 targa që u kishte skaduar afati i përdorimit.
Në të gjitha rrugët e kryeqytetit dhe rrugët interurbane që lidhen me Tiranën, janë shtuar monitorimet duke përdorur radarët, dragerat, kamerat e aparate fotografikë, me qëllim evidentimin dhe ndëshkimin e atyre drejtuesve që abuzojnë, duke drejtuar mjetin me shpejtësi tej normave të lejuara, që bëjnë gara shpejtësie, kryejnë parakalime të gabuara, që drejtojnë mjetin nën efektin e alkoolit apo në gjendje të dehur, që përdorin celularin dhe nuk vendosin rripin e sigurimit gjatë drejtimit të automjetit, apo kaskën mbrojtëse për drejtuesit e motomjeteve.
Policia Rrugore e Tiranës apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor, dhe fton qytetarët që të denoncojnë në Komisariatin Dixhital apo në 112, çdo shkelje të Kodit Rrugor, duke ju garantuar anonimat të plotë dhe reagim të menjëhershëm e të paanshëm.
Horoskopi, mësoni parashikimin e yjeve për shenjën tuaj, 03 prill 2026. –
Dashi Në marrëdhënie sot mund të ndjeni nevojën për më shumë afërsi dhe mirëkuptim, ndaj mos hezitoni të hapni zemrën....
