Gjykata e Durrësit ka vendosur masën e sigurisë arrest në burg për Arlen Hasanaj, i akuzuari për vendosjen e tritolit në shtëpinë e Armand Dukës më 24 Janar.
Hasanaj akuzohet për shpërthimin me tritol në shtëpinë e Presidentit të FSHF-së në Durrës mbrëmjen e së hënës më 24 Janar 2022. I dyshuari Arlen Hasanaj u arrestua nga policia një ditë pas shpërthimit me tritol, pra mbrëmjen e 25 Janarit. Avokati i të akuzuarit paralajmëroi se masën e sigurisë arrest në burg do ta apelojnë, pasi pretendon që nga filmimet mund të kuptohet se në ato momente kur ka ndodhur ngjarja, Hasanaj ka qenë poshtë banesës së tij dhe nuk mund të shkonte aq shpejt tek shtëpia e Dukës dhe të vendoste tritolin.
