Kryeministri, Edi Rama duke iu përgjigjur kërkesës së Presidentit turk Erdogan gjatë vizitës që ishte në Tiranë, u shpreh mbrëmjen e sotme se është një këshillë nga një mik.
Rama u shpreh se ka pasur raste kur persona problematik në raport me shtetin shqiptar dhe është vepruar ndaj tyre pasi atë që bëri atje mund ta bëjë këtu.
“Fjalët janë shumë të rëndësishme dhe prandaj duhen dëgjuar sikur thuhen dhe fjalia është shumë e qartë “parakusht vëllazërie” është t’i thuash mikut të vërtetën sado e hidhur të jetë ajo. Domethënë, lidhet me thënien e një të vërtetë, si parakusht vëllazërie, jo parakusht vëllazëri çështja, por të themi të vërtetën mbi çështjen. Duhet të bëni diçka ai e ka thënë dhe thotë vazhdimisht, ne e dëgjojmë me shumë respekt dhe nuk kemi ndenjur me duart lidhur.
Kemi pasur raste personash problematikë në raport me shtetin shqiptar dokumentacionin për të qëndruar dhe kemi vepruar. Koncepti, qasja në fjalë do të thotë se kjo është një organizatë që atë që bëri atje mund ta bëjë këtu, ne nuk kemi pasur të dhëna që po organizohet një gjë e tillë. Por elementë që nuk paraqiten në rregull në kontekstin e legjislacionit dhe në raport me qëndrimin në Shqipëri patjetër që janë problem” -tha Rama.
