Një aksident i rëndë ka ndodhur pasditen e sotme në Tiranë, ku ka mbetur i vdekur një i moshur. Sipas të dhënave të policisë një persona 36 vjeç, ka aksidentuar këmbësorin 68 vjeç, i cili si pasojë e plagëve të marra ka humbur jetën menjëherë në vend.
Policia ka vënë menjëherë në pranga drejtuesin e mjetit, ndërsa nuk dihen ende shkaqet e aksidentit. Por, të dhënat paraprake dyshojnë për drejtim të mjetit në gjendje të dehur dhe me shpejtësi tej normave të lejuara. Gjithsesi, policia po vazhdon më tej hetimet për të zbardhur ngjarjen. Ndërsa raportohet se në javën që po lëmë pas, edhe për shkak të kushteve atmosferike, janë regjistruar një numër i lartë aksidentesh rrugore.
