Kryetari i Partisë Demokratike, Lulzim Basha ka shpërndarë në facebook, foto nga takimi i mbajtur mëngjesin e sotëm me anëtare të Lidhjes Demokrtike të Gruas.
Basha shkruan se ka ardhur koha që Partia Demokratike të shkëputet nga toksinat e të kaluarës, gjuhës së urrejtjes, për të shpalosur një tjetër mendësi për një të ardhme më të mirë.
“Bashkë për të ardhmen, me zonjat e Lidhjes Demokratike të Gruas, që me kurajo dhe shpresë kanë nisur procesin e riorganizimit për të qenë një organizatë partnere moderne, që përfaqëson dhe fuqizon realisht gratë. Në këtë proces do të shpalosim vlerat tona, duke larguar njëherë e përgjithmonë toksinat e të kaluarës, gjuhën e urrejtjes, modelin e linçimit dhe frikës, për të shpalosur një tjetër mendësi, me të cilën do të ndërtojmë një të ardhme më të mirë” – shkruan Basha në facebook.
