Mijëra njerëz kanë nderuar 49 personat që humbën jetën në “Pulse club”, duke vendosur lule dhe mesazhe dashurie për ta. Të mbledhur në sheshin më të madh të Orlandos, ata bënë thirrje për unitet përtej feve, racave dhe orientimeve seksuale.
Qindra-mijëra njerëz kanë mbushur rrugët dhe sheshet kryesore të Orlandos në nder të 49 viktimave që u vranë brutalisht në një klub nate për homoseksualët në qytet.
Të mbledhur para Phillips Center for Performing Art, në një nga sheshet më të mëdha të Orlandos, ata demonstruan dhimbje dhe solidaritet.
Me pankarta nuk besojmë te frika, qindra prej tyre vendosën lule dhe mesazhe dashurie në sheshin e shndëruar në memorial, teksa turma qëndronte e përqafuar në kërkim të përgjigjigjes për pyetjen e madhe: pse?
Neema Bahrami, i cili frekuenton të njëjtin klab ku Omar Mateen kreu vrasjen më të madhe në historinë e Shteteve të Bashkuara të Amerikës, dërgon një mesazh sfidues:
“Dua të bëj të ditur se ne nuk largohemi, ne do të qëndrojmë. Ne do të jemi më shumë nga çfarë mund ta imagjinoni, nuk do të na mundni”, tha ai duke ju drejtuar turmës.
“Ndihemi shumë keq për familjet. Zemra jonë qan për ta. Ne dënojmë dhunën dhe do të doja vërtëtë që kjo mos të kishte ndodhur”, thotë Asma Safdar.
“Kam ardhur për të shprehur solidaritetin me njerëzit që na lanë, është e dhimbshme dhe e kam të vështirë të flas. Kam pjestarë të familjes që janë gay, i dua shumë ata dhe familja ime është e hapur. Duhet të jemi të bashkuar, kemi nevojë për një botë të mbushur me tolerancë dhe dashuri”.
Mateen, 29 vjeç, biri i emigrantëve afganë, vrau 49 persona dhe plagosi 53 të tjerë rreth orës dy të mëngjesit të së dielës. Ai u vra nga policia pas tre orësh operacion.
