Rama i përgjigjet Berishës: Protesta nuk kishte politikan në krye, por një person që kërkon trazira

Kryeministri Edi Rama i është përgjigjur sot akuzave të ish-kryeministrit Berisha, i cili tha sot se Basha dhe Rama kanë bashkëpunuar për të dhunuar protestuesit në 8 janar. Gjatë aktivitetit në 30 vjetorin e FRESH-it, Rama u shpreh godina e PD me 8 janar u kthye si kështjellë, por ai vetë nuk kishte ndërmend të merrej me ta. Madje Rama tha se protesta nuk kishte politikan në krye, por një person që kërkon trazira. “Ato që pamë pak ditë më parë në 8 janar tregojnë dhunë dhe jo paqe, jo politikë. Me politikanë realë, por të arratisur mbrapa në kohë, diku andej nga mesjeta dhe godinë  e kthyer në kështjellë. Gjëra të paimagjinuara që po ndodhin gjithnjë edhe më shumë në vende të ndryshme dhe situata të ndryshmen. Nuk do të merrem me akuzat e tyre që fajësojnë njeri tjetrin dhe janë vetë fajtor. Ajo ishte një protestë pa politikanë në krye, ashtu sikur ka mbetur opozita sot, ndryshe protesta politika kërkon paqe”, u shpreh Rama. Kujtojmë se edhe Basha nga ana tjetër ka akuzuar Ramën se Bashkëpunoi me Berishën për të dëmtuar PD-në.