Babai dhe dy djemtë e tij në Shkodër janë vënë në pranga ditën e sotme, për shkak se reklamonin armë dhe drogë në rrjetet sociale. Mësohet se, pasi ra në gjurmët e para, policia filloi një operacion në këtë qytet.
Të tre të arrestuarit reklamonin drogë dhe armë në rrjetet sociale instagram dhe Tik-tok. Nga kontrollet e kryera, u sekuestruan 2.3 kg lëndë e dyshuar cannabis sativa, 1 armë zjarri, fishekë luftarak, 2 aparate celulare dhe 1 automjet.
Në pranga ka rënë F. M., 18 vjeç, E. M., 21 vjeç (vëllezër) dhe babai i tyre, shtetasi G. M., 50 vjeç, banues në fshatin Bardhaj, Njësia Administrative Rrethina, Bashkia Shkodër. Të tre po merren në pyetje për të zbuluar më shumë rreth kësaj ngjarje, ndërsa prokuroria ka nisur hetim.
