Policia e Gjirokastrës ka arrestuar dy persona të shpallur në kërkim pasi transportonin emigrantë të paligjshëm kundrejt pagesës. Mësohet se, në pranga kanë rënë Klajdi Lozhi 40 vjeç dhe Pjerin Mhilli 29 vjeç.
Sipas policisë, këta persona ishin shpallur në kërkim, pasi në datën 18.12.2021, në bashkëpunim me E. M. (i ndaluar më parë), në vendin e quajtur “Ura e Lumit”, Gjirokastër, po transportonin me dy automjete 9 emigrantë të paligjshëm, dhe pasi shërbimet e Policisë Rrugore i kanë bërë shenjë për të ndaluar, ata nuk i janë bindur urdhrit të tyre, por janë larguar me shpejtësi duke braktisur mjetet.
Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
