Kryeministri Edi Rama ka zbuluar sot një tjetër premtim të mandatit të tretë. Teksa ishte në dy shkolla të reja të ndërtuara në Tiranë, kreu i qeverisë tha se do të ndërtojmë parcela bujqësore. Kreu i qeverisë e cilësoi si laborator natyror, ku do të mbillen perime dhe nxënësit do të mësojnë në këtë mënyrë më shumë për tokën.
“Brenda këtij mandati do tokemi ndryshime tejet të rëndësishme. Elementi i fundit është ndërtimi i parcelave bujqësore në shkolla. Të gjithë këto hapësira rreth e rrotull, brenda mureve të brendshme të këtij kompleksi nuk mund të jenë thjeshtë hapësira me bar. Ndërkohë që po të jenë një pjesë e tyre, hapësirë për kultivimin e perimeve për dhënien mundësi të nxënësve të kenë një dijeni fillestare për tokën, vlerëne saj. Dhe pastaj pak nga pak të krijojnë edhe modestish sipërmarrjen bujqësore të shkollës. Kjo do të vlejë për të mësuar edhe këtë pjesë të tregtimit të produkteve do të ishte një laborator natyror fantastik”,-tha Rama.
