Ministri i Mbrojtjes në Kosovë, Armend Mehaj, ka reaguar për situatën motit të keq në Shqipëri. Mehaj ka ofruar ndihmën e Kosovës për situatën në Shqipëri.
Përmes një postimi në rrjetin e tij social Facebook Mehaj ka treguar se sot ka telefonuar ministrin e Mbrojtjes të Shqipërisë, Niko Peleshin të cilit i ka shprehur gatishmëri dhe mbështetje.
“Në ditë të mira e ditë të vështira jemi bashkë me vëllezërit tanë në Shqipëri. Pas përmbytjeve në zonën e Fierit dhe zona të tjera të Shqipërisë, i kam telefonuar Ministrit të Mbrojtjes së Republikës së Shqipërisë, Niko Peleshi, të cilit i kam shprehur gatishmërinë tonë të plotë për mbështetje me aftësitë dhe kapacitetet tona të kërkim-shpëtimit për reagim, menaxhim dhe sanim të pasojave.
Së bashku jemi më të fortë në secilën sfidë!”shkruan Mehaj.
