Trajneri i kombëtares shqiptare: Gjëja më pozitive sot është që me 10 vetë kishim dy mundësi të arta për të shënuar gol
Trajneri Italian i kombëtares shqiptare, ia faturon humbjen emocioneve të herës së parë. Pak çaste pas përfundimit të ndeshjes ku Shqipëria u humbi me rezultatin 1 me zero përballë Zvicrës, Debiasi flet gjithsesi me nota positive për performancën e djemve kuqezi.
“Paguam shumë emocionet e minutës së parë, e herës së parë. Luajme më mirë kur nuk kemi asgjë për të humbur. Gjëja më pozitive sot është që me 10 vetë kishim dy mundësi të arta për të shënuar gol”, u shpreh ai.
Por pavarësisht gjithë këtyre, De Biasi thotë se skuadra nuk shfaqi të gjithë potencialin dhe cilësitë që ka.
“Jemi këtu për të luajtur europianin tonë. Është hera e parë për të gjithë dhe jam i bindur që sot mund ta kishim luajtur shumë më mirë nëse do të nxirrnim në pah të gjitha cilësitë tona”, deklaroi ai.
