Ish-kryeministri Sali Berisha ka folur me tone të forta sot në Kuvendin e Jashtëzakonshëm Kombëtar të Partisë Demokratike.
Gjatë fjalës së tij në stadiumin “Air Albania”, Berisha nuk la pa përmenur edhe ambasadoren amerikane, Yuri Kim, teksa e cilësoj atë se po sillet në Shqipëri si guvernatore.
Berisha për Yuri Kim: Amerika është perandoria e lirisë. Ka bërë për lirinë tonë më shumë se kushdo tjetër. Është e dhimbshme të shohësh ambasadoren të sillet si guvernatore, njëlloj si dikur ambasadori Sovjetik në Tiranë. Perandoritë ndryshojnë si nata me ditën, por burokratët dhe njerëzit e harrojnë këtë. Merret nga mëngjesi në darkë duke sulmuar opozitën dhe qëndrimet e saj. DASH shpall “non grata” Sali Berishën. Njeriun që nuk ka pasur kurrë një akuzë të ngritur ndaj tij apo familjes për korrupsion. Shpall non grata njeriun që përmbysi diktaturën më staliniste të Europës.
https://youtu.be/9fkCWTAfJuM
