Ish-Kryeministri Sali Berisha i është përgjigjur Sekretarit të Përgjithshëm, Gazment Bardhi, i cili deklaroi se 69% të anëtarëve të Kuvendit Kombëtar të PD-së kanë konfirmuar pjesmarrjen në Kuvendin e 18 dhjetorit.
Në një konferencë për shtyp nga selia blu, Gazment Bardhi tha se janë 5259 delegatë të cilët kanë konfirmuar pjesmarrjen në Kuvendin e 18 dhjetorit.
Mirëpo, në reagimin zyrtar të ‘Foltores’ mbrëmjen e sotme, Berisha i thotë Bardhit se demokratët degë pas dege kanë publikuar me zë dhe figurë firmosjen për Kuvendin e 11 dhjetorit.
Në reagimin e Foltores thuhet se “ne nje krize paniku ne diten e fundit si kryetar Basha nxorri Gaztorin e tij per te lexuar nje liste qe po denoncohet nga shume demokrate si e falsifikuar dhe ku duket qarte fryrja fiktive e mandateve te qarqeve krahasuar me kuvendin e fundit.”
Reagimi i plotë:
Deklarate – Partia Demokratike- Foltorja
Per jave me radhe demokratet nga gjithe Shqiperia, dege pas dege kane publikuar me gojen e tyre emrat e delegateve qe kane firmosur per thirrjen e Kuvendit te pare ne historine e vendit qe mblidhet me kerkesen e anetaresise.
Sot ne nje krize paniku ne diten e fundit si kryetar Basha nxorri Gaztorin e tij per te lexuar nje liste qe po denoncohet nga shume demokrate si e falsifikuar dhe ku duket qarte fryrja fiktive e mandateve te qarqeve krahasuar me kuvendin e fundit. Lexohen emra pa u shoqeruar me funksionet e tyre perkatese, apo se ciles dege i perkasin. E gjitha kjo per te krijuar turbullire ne vend te transparences me shpresen se do krijojne konfuzion!
Lodhen kot! Revolucioni nuk ndalet me falsifikime. Asgje nuk mund ta ndale vullnetin e mijera delegateve demokrateve per te marre pjese ne Kuvendin e Rithemelimit i cili do shkepuse perfundimisht Partine Demokratike nga pazaret Rama – Basha duke ja kthyer ate demokrateve!
Ftojme te gjithe demokratet dhe delegatet e Kuvendit te bashkohen ne Ditelindjen e Partise Demokratike per te dale nga rrethi vicioz i humbjeve dhe per te nisur rrugetimin tone drejt FITORES!
