Një ditë pas kthimit të ligjit për Bashkëqeverisjen nga Presidenti Ilir Meta, deputeti i LSI-së, Petrit Vasili, ka reaguar përmes një postimi në facebook.
Përmes një postimi në Facebook, Vasili shkruan se ky ligj zëvendëson punonjësit e shtetit me spiunë rilindas, ndaj shkruan ai, kthimi i tij nga Presidenti është një shans për t’i dhënë fund një turpi.
Postimi i plotë:
Presidenti ktheu për rishqyrtim ligjin e Bashkëqeverisjes, një shans shumë mirë për ti dhënë fund një turpi.
Ky ligj i Bashkëqeverisjes është vetëm dëshmi e një qeverisje, që nuk ekziston, që abuzon me pushtetin e saj dhe që nuk u shërben për asgjë qytetarëve.
Shqiptarët nuk kanë nevojë për spiunë rilindjeje të kryeministrit, por për shërbëtorë publike që kryejnë punën e tyre.
Shërbimet që qytarët i paguajnë me taksat e tyre nuk mund ti marrin në zyrat e shtetit dhe afër banesës së tyre, por duhet tu luten spiuneve të rilindjes, që të zgjidhin hallet.
Ky centralizim i marrë, që kërkon të realizojë ky ligj është thjesht një sipërmarrje e çmendur e një kryeministri të çmendur, që do të shënojë dështimin e radhës, që do të rëndojë qytetarët.
Ky ligj si një tumor që i kundërvihet Kushtetutes dhe që hyn në mes të disa ligjeve e bën këtë duke shpërbërë e asgjësuar edhe arritjet e vogla të sistemit administrativ shtetëror të arritura në vite.
Kthimi i punonjsve shtetërore në viktima të spiuneve të rilindjes, që synon të legalizoje ky ligj është kaq i cmendur sa edhe diktaturat do ti linte pa gojë.
Mjerim i madh për deputetët e rilindjes, që votojnë symbyllur çdo lloj pisllëku që kryeministri u vendos në tavolinë duke u dalë haptas kundër qytetarëve.
Një ligj që përfaqeson një turp të vërtetë juridik për mënyrën se si është shkruar.
Kthimi i ligjit krijon një hapësirë të re për tu tërhequr nga kjo marrëzi, që nuk ndihmon kërkënd, por vetëm ju nxin jetën shqiptarëve.
P.S. Deputetët rilindas të shplarë nga personaliteti me siguri që do të rrëzojnë dekretin e presidentit me pathos skizofrenik që të gezojnë skizoidin në krye të qeverisë.
