“Të tjerët e kanë më të lehtë të kritikojnë dhe e kanë më të lehtë sepse nuk kanë asgjë në dorë”
Kryetari i PS-së i është përgjigjur nga Vlora kritikave të deputetit Ben Blushi. Një natë më parë, Blushi hodhi një lumë akuzash ndaj Ramës për drejtimin e qeverisë dhe të PS-së.
“Të tjerët e kanë më të lehtë të kritikojnë dhe e kanë më të lehtë sepse nuk kanë asgjë në dorë. Nuk kanë fatin e vendit në dorë. Ne nuk e kemi aspak të lehtë sepse në kemi fatin e vendit, por jemi të vendosur që të mos tërhiqemi asnjë milimetër nga kjo rrugë reformash, që po të ishin bërë në këto 20 vjet, sot do të ishim në të tjera kushte. Ne nuk mund të tërhiqemi nga reformat në emër të frikës së po humbasim ndonjë votë apo se po prishemi me njëri-tjetrin. Boll ka humbur kohë Shqipëria! Nuk mund të humbasim edhe 20 vite të tjera”, tha Rama gjatë takimit me të rinjtë socialist në Vlorë.
Deputeti Ben Blushi e akuzoi ashpër kryeministrin kur theksoi ndër të tjera se, “Me Edi Ramën nëse je vrasës, bëhesh deputet, nëse ke qenë me Saliun, bëhesh deputet, nëse je i pasur bëhesh kryetar bashkie dhe nëse je i gjatë sa Rama, bëhesh minister”.
