ministrja e Arsimit, Evis Kushi ka bërë me dije se në të gjithë vendin do të ketë vetëm një abetare. Pas mbledhjes së qeverisë, Kushi tha se është marrë vendimi për tekst të unifikuar të abeteraes.
“Kemi tekste alternative, nxënësit do të zgjedhin një nga tre alternativat. Nga sot, do të përjashtohet teksti i Abetares, të gjithë nxënësit do të kenë një tekst të unifikuar. Abetarja është libri i parë që përballet nxënësi në bankat e shkollës. Nga takimet që kemi zhvilluar me mësuesit kemi dakordësuar që për abetaren të kemi një tekst të unifikuar. Në mënyrë që të fillojmë procedurat për një konkurim transparent të gjithë vogëlushët të kenë një abetare,” deklaroi ministrja.
