LSI ka reaguar ndaj deklaratave të Gazment Bardhit për çështjen e koalicioneve për zgjedhjet e 25 Prillit.
Në një konferencë për shtyp, Petrit Vasili thotë se s’ka pasur kurrë një propozim për mandate nga PD duke e quajtur këtë një gënjeshtër.
“Është momenti për të thënë të vërtetat e mëdha siç janë dhe për të mos heshtur më. S’ka pasur kurrë një propozim zyrtar nga partia e Bashës për mandate e numra mandatesh e gjëra të kësaj natyre, Anëtarët e PD janë aty dhe le të thonë nëse ka pasur një propozim të tillë. Faqe e zezë për ata që mashtrojnë pasi kanë shitur interesat për opozitën për ditën me diell. Djegia e mandateve kishte plan vetëm garantimin e Ramës në pushtet. E gjithë kjo ishte një mashtrim i poshtër. A ka pasur një dakordësi me Pd? Po ka patur dakordësi për të zhvillur një fushatë të përbashkët. Kurrë nuk ndodhi u sabotua u refuzua me të gjithë mjetet nga Basha i cili nuk mori pjesë në fushtën përmbyllëse të lsi. Sepse plani Rama Basha ishte për shkatërrimin e lsi”, tha Vasili.
