Ish- kryeministri Sali Berisha e zhvendosi në qytetin e Lushnjes “Foltoren”. Mes të tjerash ai ka komentuar arrestimin e ish-kryebashkiakut Fatos Tushe.
Berisha po ashtu ka sulmuar dhe ministren Olta Xhacka, të cilën e akuzoi se ka ndërtuar një muze sekret në Berzhitë, me vlerë 6 milionë euro.
“Këtu e dënuan dhe mirë ia bënë kryebashkiakut për një tender 200 mijë euro. Por me atë që vjedhim ministrat ju jap fjalën e nderit se nuk janë asgje se vetëm kafe e mëngjesit. Unë nuk dua ti dal zot atij por vjedhjet e tyre nuk kanë fund. Tani na del muzeu sekret i ndrikull piramidës. Na qenka në Bërzhitë një muze 6 milionë euro për ushtrinë. Pra një garë e çmendur sesi të vjedhim“, tha Berisha.
