Interi dhe Juventusi kanë ndarë pikët në “Guiseppe Meazza” në kuadër të javës së nëntë të Serie A.
Vendasit e nisën më mirë ndeshjen, ku arritën të zhbllokonin rezultatin në minutën e 17 me Edin Dzeko. Boshnjaku shfrytëzoi një top, i cili përfundoi në këmbët e tij pas një goditje të Calhanaglu që fillimisht preku shtyllën. Ky ishte rasti i vetëm, ku sulmuesit e Interit u shfaqën para portës së Juventusit.
Pjesa e parë do të mbyllej me avantazhin minimal të vendasve, me të dytën që nis me një Juventus pak me insistues për të gjetur golin.
Në minutat e fundit, kur Interi po bëhej gati të festonte një fitore të rëndësishme, VAR i akordon një penallti “bardhezinjve” e cila kthehet në gol nga Dybala.
Ky vendim irritoi trajnerin e Inzaghi, i cili u ndëshkua me karton të kuq.
Pas këtij barazimi, Interi mbetet në vendin e 3 me 18 pikë, ndërsa Juventusi në vendin e 6 me 15 pikë.
Pas ndeshjes si përherë nisi furtna në gotë e qaramanëve.
/ABC/
