Kreu i Grupit parlamentar të Partisë Socialiste, Taulant Balla deklaroi se ngritja e një komisioni hetimor për çështjen “Bechetti” bie ndesh me interesat e Shqipërisë.
“Ky ka qenë një sugjerim i avokatit të shtetit që është përfaqësues i shtetit shqiptar në këtë proces dhe kërkon që kjo çështje të shtyhet dhe mund ta ngremë këtë komision në një moment të dytë. Unë do mbaj qëndrimin e maxhorancës në lidhje me këtë çështje. Investimi i Kuvendit të Shqipërisë në një komision të tillë vendos në pikëpyetje ecurinë e procesit. Procesi i arbitrazhit ka qenë konfidencial i kërkuar nga dy palët. Publikimi gjatë procesit mund ta dëmtojë palën dhe në këtë rast pala është Shqipëria. Jemi njoftuar që ka një proces në Gjykatën Europiane që gjithë dokumentacioni të jetë konfidencial sepse dëmtohen interesat e Shqipërisë. Jemi shumë pranë gjetjes së një formulimi që duhet të respektojë parimin e prezumimit të pafajësisë. Nëse PD pretendon se ka pasur masakër zgjedhore, këtë nuk mund ta pranoj edhe unë. Objekti i hetimit pranohet si është propozuar. Në rast se do vish me kërkesë duke thënë se është shkrirë shteti me PS dhe më kërkon mua ta votoj një gjë nuk është e vërtetë, duhet të shkojmë drejt një parimi. Për PD ka rëndësi pranimi pa kushte për ngritjen e një komisioni parlamentar. Ky është një standard që ne e kemi vendosur. Kryetari i Komisionit të Ekonomisë ka bërë një propozim në mbledhjen e grupit, për zonjën Konomi që plotësonte kushtet për shkak të arsimimit dhe eksperiencës së mëparshme. Nuk di kush do jetë qëndrimi i pakicës parlamentare”, tha Balla.
Vijon…..
