Visar Ymeri Kryetari i Lëvizjes Vetëvendosje tha se kryesia e VV-së ka vendosur që të kthehen në Kuvend.
“Do ta bëjmë opozitën siç është bërë përherë. Vetëvendosje vazhdimisht ka qenë kundër daljes së opozitës jashtë Kuvendit. Ne kemi konsideruar këtë të dëmshme. Sot po shihet se efekti i mos pranisë së opozitës në Kuvend është negativ. Bërja e opozitës në Kuvend është pengesë për vendimet e dëmshme”, u shpreh Ymeri.
Ndërsa Glauk Konjufca tha se opozita do të vazhdojë kundërshtimin e këtyre dy projekteve që i ka sjell Qeveria.
“Subjektet opozitare kanë qëndrime të njëjta për mos pranimin e Demarkacionit dhe ‘Zajednicës’. Jemi të shqetësuar me deklaratat e fundit të ministrave dhe zyrtarëve po duan ta sjellin punën e Demarkacionit në Kuvendin e Kosovës. Ne mendojmë se kur të vijnë këto projekte dhe kur të vijë radha e këtyre projekteve qëndrimi i opozitës jashtë Kuvendit e bën të pa dobishme. Nuk do të hezitojmë të bashkëpunojmë me subjektet tjera opozitare t’i bashkërendojmë hapat tonë”, tha Konjufca.
Kosova Press.
