Pas vendimit të kreut të PD Lulzim Basha për të përjashtuar ish- liderin historik të kësaj partie, Sali Berishën nga grupi parlamentar i PD ka patur reagime të shumta.
Kryesia e FRPD i ka dërguar një kërkesë Sekretarit të Përgjithshëm, Gazment Bardhi dhe kreut të Këshillit Kombëtar për thirrjen e një referendumi pas përjashtimit të Sali Berishës nga grupi parlamentar demokrat.
“Po ju drejtohemi nëpërmjet këtij peticioni lidhur me situatën e paprecedentë të krijuar nga vendimi personal i Kryetarit të Partisë Demokratike për përjashtimin nga grupi parlamentar i Profesor Doktor Sali Berisha. Duke e konsideruar këtë veprim në shkelje të plotë të statutit, parimeve, vlerave të Partisë Demokratike si dhe rrezikun që mbart për përcarjen e thellë dhe të parikuperueshme të saj kërkojmë që ky veprim t’i nënshtrohet me domosdoshmëri një referendumi në anëtarësinë e partisë si të vetmen rrugë për të ruajtur unitetin e Partisë Demokratike të Shqipërisë.”- thuhet në letrën që mban firmat e FRPD.
Raportohet se mes firmëtarëve është edhe Glauk Olldashi, djali i Sokol Olldashit. Kjo është nisja e mbledhjes së firmave për organizimin e një Referendumi në PD.
Vijon…
