“Qasja jonë për Çështjen Çame ka të bëjë me respektimin e lirive dhe të drejtave themelore të shqiptarëve të Çamërisë” Reagon Kotzias: “Disa duan të bëjnë të njëjtë bashkëpunëtorët e nazistëve gjermanë dhe me ata që nuk kanë jetuar asnjëherë në Greqi. Ne kemi përqasje të ndryshme dhe këto janë të njohura nga pikëpamja e historisë”
Në një konferencë të përbashkët për shtyp me ministrin e jashtëm Kotzias, ministri i jashtëm shqiptar, Ditmir Bushati foli kështu për Çështjen Çame:
“Besoj se isha i qartë kur fola për kompleksitetin e marrëdhënies mes dy vendeve tona për listën e çështjeve dhe për një lloj kategorizimi të çështjeve. Besoj gjithashtu se respektojmë pikëpamje të ndryshme që kemi me ministrin Kotzias për disa prej këtyre çështjeve. Nuk ka asnjë diskutim që Çështja Çame është pjesë e kapitullit të problemeve që rrjedhin nga Lufta e II Botërore. Jemi ballkanas dhe është e qartë që të kemi lexime të ndryshme për këtë çështje ose të tjera. Besoj se është moment i mirë dhe më i qartë dhe i drejtpërdrejtë. Nuk bëhet fjalë as për pretendime territoriale, sepse Shqipëria s’ka pretendime territoriale ndaj Greqisë. E respekton Greqinë si një vend dinjitoz. Por, qasja jonë për Çështjen Çame ka të bëjë me respektimin e lirive dhe të drejtave themelore të shqiptarëve të çamërisë. Flasim për një proces, ku çdo lloj penegese e karakterit diskriminues do të duhej të hiqej ndaj kësaj popullsie. Inspirojmë të ndërtojmë një shoqëri që bazohet tek e drejta dhe ku flasim për këtë nuk flasim për përgjegjësitë kolektive dhe për përgjegjësitë individuale, por për të drejtën e pronës, të lëvizjes së lirë e më gjerë.
Besojmë se është e mundur të marrim shembull nga praktika të mira siç ishte ajo e e marrëdhënieve gjermano-franceze.
Për të njëjtën çèshtje, ministri i jashtëm grek ka qasje tjetër:
“Ekzistojnë dhe disa çamë që bashkëpunuan me pushtuesit gjermanë, që kishin bërë zhvatjen e popullsisë në zonën e Epirit. Ndryshe nga njerëzit e tjerë u larguan nga vendi dhe nuk u ekzekutuan. Duhet të kemi kujdes, kur flasim për këta çamë, sepse nuk nënkuptojmë asnjë grup qytetarësh shqiptarë dhe Shqipërinë. Pasi disa duan të bëjnë të njëjtë bashkëpunëtorët me ata që merren me nazizmin gjerman dhe me ata që nuk kanë jetuar asnjëherë në Greqi. Ne kemi përqasje të ndryshme dhe këto janë të njohura nga pikëpamja e historisë”, tha Kotzias.
