Një skandali është registruar në Greqi, ku një punonjës denoncoi se qendra mjeksore në Kardhicë kishte lëshuar mbi 480 vërtetime vaksinimi kundër Covid 19, pa iu injektuar doza e vaksinës.
Lidhur me këtë ngjarje prokuroria e Kardhicës hapi një hetim urgjent, pasi skandali duket se ka përfshirë edhe drejtues të sektorit të shëndetësisë.
Pas ndërhyrjes së prokurorisë së Kardhicës, u zbulua se në këtë qendër janë kryer 40.000 vaksinime, ndërkohë që banorët janë vetëm 6000.
Askush nuk mund të thotë me saktësi ç’ka ndodhur, por burime qeveritare shprehën shqetësimin se ndoshta kemi të bëjmë me një skandal me përmasa të mëdha.
Menjëherë është dërguar në zonë një grup kontrolli, ndërkohë që me urdhër të ministrit të Shëndetësisë Thanos Plevris është pezulluar i gjithë stafi i kësaj qendre mjekësore.
