I plagosur ka mbetur edhe një person tjetër i quajtur Bledar Muça, i njohur si miku i Florencë Çapjes, i cili mbeti gjithashtu i plagosur në masakrën e 3 shkurtit ku u vranë 3 persona në një lokal
Një police është plagosur pak çaste më parë në Elbasan. I plagosur ka mbetur edhe një person tjetër i quajtur Bledar Muça. Ngjarja ka ndodhur në Elbasan, pranë shkollës “Qamil Guranjaku”, tek rruga e Spitalit tek ish-Kirurgjia. Nga të dhënat e para rezulton se ka qënë një atentat ndaj Bledar Muçës. Ndërsa efektivja e policisë që u plagos ishte kalimtare dhe nuk kishte lidhje me ngjarjen. Plumbi e ka goditur policen në këmbë. Autori ka qëlluar me një breshëri kallashnikovi, duke shkaktuar edhe panik në kalimtarët, pasi zona është shumë e populluar.
Nga të dhënat e deritanishme, rezulton se i plagosuri, Bledar Muça është mik i Florenc Çapja, i cili është person me precedent penal dhe ka mbetur i plagosur dhe në masakrën e 3 shkurtit ku u vranë 3 persona në një lokal. Të plagosurit janë dërguar me urgjencë në spitalin e Elbasanit..
