Më shumë dhembshuri dhe dashuri për më të dobëtit dhe nevojtarët
Avokati i Popullit, Igli Totozani uron të gjithë besimtarët myslimanë për nisjen e Muajit të Shenjtë të Ramazanit. Nëpërmjet këtij mesazhi urimi, ai u përcjell besimtarëve këto fjalë: “Kjo sprovë shpirtërore, sakrifice dhe reflektimi, shënon një periudhë të virtytshme për vetëpastrimin dhe devotshmërinë humane. Le të shërbejnë këto ditë ku pranohet falja, për një lartësim shpirtëror të secilit, për më shumë dhembshuri dhe dashuri për më të dobëtit dhe nevojtarët. Drita e Ramazanit të bekuar të ndriçojë zemrat dhe shpirtrat e të gjithë besimtarëve myslimanë.”
