Dy doza me vaksinë anti-Covid bëhen më pak efektive brenda gjashtë muajsh. Kështu thuhet në një studim të madh, të cituar nga BBC.
Shkencëtarët kanë paralajmëruar britanikët që kanë marrë vaksinat se mbrojtja ndaj infeksionit mund të ulet deri në 50 përqind në dimër.
Studimi në jetën reale është kryer nga “King’s College” në Londër.
Sipas Daily Mail, në studim janë shqyrtuar të dhënat e të paktën 1 milion të vaksinuarve plotësisht.
Mbrojtja nga infeksioni pas dy dozave me Pfizer ulet nga 88 përqind në një muaj deri në 74 përqind pas 5 ose 6 muajsh.
Kurse mbrojtja nga Astrazeneca bie nga 77 përqind deri në 67 përqind.
Profesori Tim Spector, autor i këtij studimi, thotë se nivelet e larta të infeksionit mund të sjellin më shumë vdekje.
Ai paralajmëroi se efektshmëria e vaksinave mund të ulet deri në 50 përqind në dimër. Për këtë arsye, ai u kërkoi britanikëve që të bëjnë vaksina shtesë.
