NGA MAL BERISHA
Me 9 Gusht 2021 në një nga mjediset e Hotel Tirana International u takova me studiuesen e njohur Eleni Laperi.
Në këtë takim me Elenin, patëm plot gjëra për t’i treguar njëri-tjetrit në lidhje me punët që kemi bërë dhe kemi në duar për njohjen e lexuesit shqiptar me jetën dhe veprimtarinë e figurave të shquara amerikane, dhe kontributin që ata kanë dhënë në dobi të çështjes shqiptare.
Ajo më foli aq shumë për Rose Walder Lane dhe Rexhë Metën. Ndërsa unë për Charles Telford Ericksoni-n, Herman Bernstein-in, për udhëtarët amerikanë të revistës “The National Geographic Magazine”, që të gjitha tashmë të botuara dhe në dorë të lexuesit.
Që të dy ndamë mendimin se, askush në botë nuk ka bërë më shumë se ata amerikanë që i ranë rreth e qark vendit tonë dhe vunë re tek Shqiptarët virtytet më të bukura që ne kemi. Ata mbeten miq të përjetshëm të kombit tonë. Studimi i jetës së tyre dhe bërja e njohur për lexuesin është një detyrë ardhetare.
Ishte një takim miqsh, pas afro 25 vjetësh që nga koha kur e pata pritur në Stamboll, në një vizitë të bërë në emër të Galerisë së Arteve, bashkë me drejtorin e asaj kohe, piktorin e njohur Alush Shima. Kujtimet për Stambollin na çuan tek muzetë e famshëm, tek Shën Sofia, Xhamia Blu, Top Kapi Saraj, Yerebatan si dhe tek piktorja angleze, mike e piktorëve shqiptarë, Heather Brown.
Zbulimi dhe bërja publike jo vetëm me shkrim, por edhe në mënyrë televizive e veprimtarisë së këtyre figurave si Rose Wilder Lane, Ch.T. Erickson, Herman Bërnstein, Melville Chatter dhe e disa amerikanëve të tjerë, është dhe duhet konsideruar si një detyrë dhe kontribut në njohjen e veprës së madhe të tyre për Shqipërinë. Në të njejtën kohë aty shpaloset edhe jeta e patriotëve shqiptarë që bashkëpunuan me ta, si Rexhë Metë Ulaj, Aqif Pashë Elbasani, At Gjergj Fishta, Familja Koljaka, e sa e sa të tjerë.
Proud to be Albanian!
