Stenio Junior ishte fantastik, Partizani shpartallon me rezultatin 5-2 Sfintul Gheorghe në ndeshjen e parë të Conference League në “Elbasan Arena” dhe kualifikimi në raundin e dytë ku i pret Basel duket një formalitet.
Braziliani ishte protagonist në të pestë golat e “Demave”, teksa shënoi dy herë dhe asistoi në tre të tjerët. Stentio e nisi në pjesën e parë kur shfrytëzoi gabimin e miqve dhe shërbeu për Cardoso. Ky i fundi nuk fali brenda zone.
10 minuta më pas Stenio realizoi edhe golin e dytë, ndërkohë që miqtë më pas fituan një penallti në fundin e pjesës së parë dhe Volkov nuk gaboi. Skuadrat iu drejtuan dhomave të zhveshjes me rezultatin 2-1 në fuqi.
Dhuratat e Sfintul nuk kishin mbaruar dhe Junior realizoi edhe golin e tretë, pasi mbrojtësit miq nuk spastruan zonën. Edhe te goli i katërt ia dhuruan topin brazilianit, i cili këtë herë i dha mundësinë Carës të shënonte.
Stenio “show” nuk kishe mbaruar. Pesë minuta nga fundi asistoi me kokë për Cardoso, i cili i dha “shuplakën” skuadrës moldave. Kaq dhe tashmë Partizani mund të festonte, edhe pse janë edhe 90 minuta për t’u luajtur.
Partizani- Sfintul Gheorghe 5-2
Lucas Cardoso 17′, 85′ Stenio Junior 26′, 61′, Cara 78′ / Volkov (pen.)44′, Solodovnicov 80′
Partizani: Hoxha, Gligorov, Belica, Shehi, Musta, Murataj, Marku, Bardhi, Cara, Cardoso, Stenio Junior. Trajner: Ilir Daja
Sfintul Gheorghe: Calancea, Ojog, Charleston, Litviacov, Svinarenco, Stina, Sagna, Lungu, Ghecev, Volkov, Aliyu. Trajner: Sergiu Cebotari
85′ Stenio Junior asiston për Cardoso, i cili realizon golin e pestë për Partizanin
80′ Sfintul ngushton shifrat me anë të Solodovnicov, i cili devijoi topin pranë portës
78′ Gabime amatore të miqve, që i dhurojnë topin Stenio Junior dhe ky i fundit asiston për Carën që nuk fal
61′ Stenio Junior realizon golin e tretë për Partizanin, duke shfrytëzuar gabimin e skuadrës mike.
44′ Volkov realizon me penallti ndaj Partizanit. E pamundur ta kapte topin portieri Alban Hoxha.
26′ GOOOOOOL STENIO JUNIOR. Tedi Cara asistoi për brazilianin, që nuk gaboi brenda zone dhe e çoi topin në rrjetë.
17′ GOOOOOOL LUCAS CARDOSO. Gabimi në mbrojtje i miqve është shfrytëzuar nga Partizani, që realizoi me brazilianin Lucas Cardoso.
/ABC/
