Në orën 10:00 ,40.392 maturantë do t’i nënshtrohen provimit të parë të maturës shtetërore, që është ai i gjuhës së huaj.
Studentët duhet të paraqiten 1 orë e 30 minuta para orarit zyrtar të nisjen së provimit. Ata duhet të pajisin vetëm me një dokument identifikimi dhe një stilolaps.
Pas përfundimit të provimit të gjuhës së huaj maturantët do ti nënshtohen edhe tre provimeve të tjera dhe konkretisht: Gjuhë Letërsi, Matematikë dhe provimi i lëndëve me zgjedhje. MAS ka krijuar 5 qendra korrigjimi përkatësisht në Tiranë, Fier, Elbasan, Korçë dhe Shkodër, ndërsa në të të gjithë Shqipërinë janë krijuar 207 qendra provimi.
Nora Malaj Zv/Ministrja e Arsimit, dha një ditë më parë udhëzimet e fundit për maturantët, ndërsa theksoi se Ministria dhe policia do të bëjnë monitorim të rreptë gjatë gjithë proçesit të zhvillimit të provimit.
Zv/Ministrja e Arsimit Nora Malaj : Qendrat e provimit në Maturën Shtetërore tashmë janë në përgjegjësinë dhe monitorimin e policisë së shtetit, e cila garanton standardin e të gjithë procesit. Maturanti nëse do të mbajë me vete celular do të përjashtohet nga provimi i Maturës Shtetërore dhe për këtë arsye do të penalizohet duke mos iu dhënë mundësia që ta japë provimin më pas, por vetëm në vjeshtë dhe kështu humbet mundësinë për të shkuar në Universitet. Maturanti nuk duhet të dëmtojë kodin e sekretimit, sepse kjo bën që provimi ti quhet i pavlefshëm. Nuk do të lejohet prezenca e prindërve apo të anëtarëve të tjerë të komunitetit. Suksese në provimet e Maturës Shtetërore!
