Kryeministri Edi Rama ka folur rreth ngjarjeve të fundit në vendin tonë duke thënë se ngjarjet e fundit nuk përcaktojnë nivelin e pasigurisë në vendin tonë.
Sipas Ramës ngjarjet e fundit nuk do të ndikojnë tek turistët, ndërsa ka shtuar se policia po punon por nuk mund të parandalojë një sherr në mes të natës, si ai që ndodhi në Velipojë ku u vranë 4 persona.
Kryeministri ka thënë se një pjesë e fajit mbetet edhe tek sistemi gjyqësor, pasi policia çon vazhdimisht raste të personave që shkelin ligjin por ka gjyqtarë që jepin dënime minimale.
“Nuk e di si policia mund të shmangi një aksident që është rezultat i një të çmenduri në rrugë apo të gjendet pas mesnate ku bëjnë sherr dy fqinj. Natyrisht se përtej ngjarjeve ka gjëra për të kuptuar dhe për të shfrytëzuar për të përmirësuar punën. Por policia nuk dënon, reagon dhe ndalon apo çon para gjykatës persona që shkelin ligjin. Fakti që personat në tragjedi kanë armë pa leje. Në vendin tonë dënohet dhe dënohet më rëndë se në shumë vende të BE, nuk është policia që të çojë në burg, por i çon par gjykatësve dhe nuk i dënojnë as minimumin e ligjit. Duhet bërë demaskimi i këtyre gjykatësve. Se janë fakte skandaloze që ndodhin dhe gjykatat duam apo nuk duam ne, apo ata që abuzojnë se nuk kanë kaluar vettingun. Nuk ka qeveria instrument se si ti bëjë “zap”.” tha Rama. /abcnews.al/
