Një raport i Wall Street Journal ka treguar se tre studiues në Wuhan kanë patur simptoma të Covid-19 që nga nëntori i 2019. Kjo ka rritur dyshimet se virusi mund të ketë dalë nga një laborator.
Këtë raport, ish-presidenti i SHBA-ve Donald Trump, nuk e ka lënë t’i kalojë pa komentuar.
“Kam pasur të drejtë që nga fillimi, ishte mëse e qartë që virusi kishte dalë nga një laborator kinez. U kritikova ashpër si zakonisht, por tani të gjithë thonë se kisha të drejtë”, tha Trump në një deklaratë.
Shtëpia e Bardhë nuk e konfirmon raportin, por bën thirrje për transparencë në hulumtimet nga Organizata Botërore e Shëndetësisë.
