Ka pasur një dyndje të madhe të automjeteve nga Kosova në pikën kufitare mes Shqipërisë dhe Kosovës që në orët e para të mëngjesit të kësaj të shtune.
Qytetarët nga Kosova i janë drejtuar më së shumti bregdetit duke përfituar nga përmirësimi i motit.
Për shkak të pandemisë, duket se edhe këtë pranverë e verë, do të jenë qytetarët nga Kosova që do ta mbajnë gjallë turizmin dhe biznesin e hotelerisë në vendin tonë.
Policia Kufitare në të dy anët e kufirit ka punuar me kapacitet të plotë për të shmangur radhët.
