Emigrimi legal dhe ilegal në Shtetet e Bashkuara është rritur gjatë dy vjetëve të fundit, duke arritur nivele të papara qysh në fillim të shekullit 21.
Qendra për Studime të Migracionit bën të ditur se numri më i madh i emigrantëve është nga Azia, dhe jo Amerika Latine.
Gjetjet vijnë në kohën kur kandidati republikan për president të SHBA-së, Donald Trump, ka premtuar se do të ngrejë mur në kufi me Meksikën për të ndaluar hyrjen e emigrantëve të paligjshëm në SHBA.
Gjetjet e reja tregojnë se mbi tre milionë emigrantë legalë kanë hyrë në SHBA më 2014 dhe 2015.
Shifra paraqet 39 përqind rritje nëse krahasohet me dy vjetët paraprakë.
