Kreu i SPAK, Arben Kraja në një deklaratë për mediat pas mbledhjes në kuadër të ditës së Drejtësisë, u është përgjigjur pyetjeve të gazetarëve në lidhje me çështjet ende të pazbardhura.
I pyetur nga gazetari nëse do të ketë sekuestrime të tjera për gjyqtarët, Kraja u shpreh se për çdo person që do të ketë prova do të sekuestrohen.
Kraja gjithashtu bëri me dije se për krimet zgjedhore kanë filluar të hetohen 40 çështje.
Arben Kraja:
Ne ishim mbledhur këtu në simbol të kësaj dite.
Ne i kemi vlerësuar të gjitha rastet që kanë ardhur, kanë filluar 40 çështje për krimet zgjedhore.
Për database, jemi duke hetuar, ka pasur një problematik me kompaninë që nuk na i ka dhënë.
Në lidhje me sekuestrimin e pasurive të gjyqtarëve, për çdo person që do të ketë prova do të sekuestrohen.
